68岁的吴孟达开始心脏不适，表情痛苦，脸色凶猛，令人担忧...

现年68岁嘅「达哥」吴孟达昔日同周星驰拍过多部经典电影，係唔少影迷心目中嘅黄金配角，不过近年佢已经主力去到内地发展。2014年更因病毒感染导致心脏衰竭，虽然经过治疗后救回一命，但身材已不见往日嘅福态，达哥亦因为咁大幅减产，过住「半退休」生活。

只有零星工作嘅达哥近日喺拍摄新电影嘅海报时都争啲「出事」，事发经过咁啱被影低，睇到粉丝心惊胆跳。

达哥早前拍摄电影《少林寺之得宝传奇》宣传海报，原本佢正係活泼咁摆pose，突然感到心脏不适，当场捂胸面露痛苦神情。影片所见，身穿戏服嘅达哥在镜头前，表情忽然大变，非常狰狞之外仲好似好辛苦咁，同时用手捂住胸口，整个人摇摇晃晃，企都企唔稳，工作人员见状停低手上工作上前关心。

达哥随后坐低休息，其间不断讲「对不起」，又表示「歇个2分钟、10分钟没用的」，心怕耽误工作进度。

经过一小段时间休息后，达哥怕拖累大家，主动提出继续拍摄，于是佢就忍住身体不适顺利完成拍摄，达哥之后再鞠躬向在场人表示「不好意思」，非常敬业。

吴孟达坚持完成工作场面令人心疼，唔少许多粉丝睇完都留言表示不忍：「达叔要好好休息啊」、「看了好难过，可别逞强」、「太专业了，但也要量力而为」、「好有演员道德」。